o係未換modem 之前, 我已經用緊一線兩ip 服務, 每個月要比多$25.  早兩個星期日
16/2換modem (黑色motarora 超極慢速MODEM), 換o個時佢地話暫時只能有一個ip, 要
過兩日至派到第二個, 無問題, 我等.

等左3 日, 點都拎唔倒第二個ip, 打去cs, 又叫我reset, 又乜又物, 我做足晒, 但係
都唔得, cs 話派師父23/2星期日o黎check speed 兼check 第二個ip, 得!  我又等!

等到上個星期日23/2, 個師父上o黎夠膽死話 "唔關我事o架喎, 我淨check speed o架o
渣喎", 嘩!!  唔係呀?!  我即場打比cs 問佢乜事!!  佢又例牌安撫o下我, 然後又o係
電話度叫我做番上次做過o既野, 成個過程個師父都無走, 都有一齊做.  結果又換
modem (師父拎上o黎個modem竟然係壞o既!!!), 又set 呢set 路, 又試呢樣又試o個樣,
由5:30pm 搞到成10pm 個師父見乜都搞唔倒就惟有走人, cs 話會遲d 跟進.

cs玩左成4 個幾鐘仲唔夠, 10:30pm - 11:00pm打比我 叫我繼續試, 無問題, 我試.
點試都唔得.  又話第日再打比我再試, 好!!!  我又等多日.

星期一, cs 打o黎, 又試, 試試試試試試試!  結果都係得個吉.  跟住佢話 "張生, 我
地懷疑你o既hardware有問題, 不如我地拎埋d 器材同notebook 上o黎你度試比你睇,
不過要收番$150 蚊DEMO 費"  嘩!!! 佢老母!!! 收錢???!!  demo?!  我damn 佢老母
!!  我不嬲都用緊o架嘛, 有事我o個lan 都收左皮啦!!!

算!!  我忍!! 我同佢講, 如果佢真係做得到, 我比!!  (當比乞兒!!)

跟住我日日都試o下睇o下get 唔get 到ip.  真係日日都唔得喎, 今朝都唔得.  心諗聽
日睇佢地點試, 仲唔小番佢夠本!

今日放工番o黎, 無乜野搞, 又屎忽痕試多一試, 唔試由至可, 一試把幾火!!!  得喎
!!! get 到兩ip 喎!!!  仆佢個街, 如果我今晚唔試多次, 聽日咪比佢呃左"舊半"走人
?!!!!

呢d 係咪叫呃錢先?!! 日日都唔得, 係你要收錢demo至得, 點先?!!
呢鑊野真係唔會就咁算數!!  一定要公之於世兼四圍投訴!!!!!